ННФ-ын 2010 онд шинээр гаргасан хэвлэн нийтлэлийн гол бүтээгдэхүүний нэг нь “Бодлогын асуудал” тойм юм. Энэхүү цуврал нь тухайн цаг үед анхаарал татаж буй асуудлаарх  үнэлгээ, дүгнэлт, тоо баримтад анализ хийж боловсруулсан  нэлээд гүнзгий мэдээлэл өгөх эх сурвалж болов. Одоогоор нийт  таван цуврал хэвлэгдэн тараагдаад байна.

Оюутолгойн ордын хөрөнгө оруулалтын гэрээний талаар УИХ-ын гишүүдийн оролцсон мэтгэлцээнийг Монголчууд нийтээрээ хэрхэн хүлээн авч анхаарал хандуулж байсан нь олборлох салбар дахь гэрээ, хэлцлүүдийн ил тод байдал чухал болохыг илтгэсэн явдал юм.

Гэтэл манай улсын уул уурхайн салбарт Оюутолгойн хөрөнгө оруулалтын болон хувь эзэмшигчдийн хоорондын гэрээнээс гадна тогтвортой байдлын 5 гэрээ, газрын тос, метан хийн салбарт бүтээгдэхүүн хуваах 20 гэрээ хүчин төгөлдөр мөрдөгдөж байна. Тэдгээрт ямар асуудлуудыг, ямар нөхцлөөр тохиролцсон, энэ нь Монгол Улсын эрх ашигт хэр зэрэг нийцэж буй талаар нийгэм бүхэлдээ тогтсон тодорхой ойлголтгүй байдаг.

Энэ бүх гэрээнүүдийг ил тод болгох нь олон талын ач холбогдолтой төдийгүй, зайлшгүй шаардлагатай бодлогыншийдэл бөгөөд уг бодлогыг хэрхэн хэрэгжүүлж болох тухай танилцуулгыг толилуулж байна.

>

Сүүлийн жилүүдэд санал тоолох явцад дүнг өөрчилж будлиан гаргахаас сэргийлэх, сонгуулийн дүнг нэгтгэн зарлах үйл явцыг хурдасгах, хүний оролцоог аль болох багасгах зорилгоор сонгуулийг автоматжуулах нь түгээмэл хандлага болж байна. Монгол Улс 2012 онд болох Улсын Их Хурал (УИХ)-ын сонгуульд саналыг автомат төхөөрөмжөөр тоолохоор зэхэж буй бөгөөд үүнтэй холбоотой зарим өөрчлөлтийг шинэчлэн боловсруулсан УИХ-ын сонгуулийн тухай хуулийн төсөлд тусгаснаас гадна Сонгуулийн автоматжуулсан системийн тухай хуулийг саяхан батлаад байна.

Энэхүү бодлогын цувралаар шүүх үйл ажиллагаанд иргэдийн төлөөлөл оролцохын ач холбогдол хийгээд үр дүнтэй оролцооны талаар товч мэдээлэл өгөхийн зэрэгцээ хуулийн төслийн хүрээнд санал болгож буй тогтолцооны онцлогийг танилцуулахыг эрмэлзлээ.p>

Одоо УИХ-аар хэлэлцэж байгаа Төсвийн тухай хуулийн төсөл нь юуны өмнө уул уурхайн салбарын орлогын ачаар огцом тэлж буй Монгол Улсын төсвийн төлөвлөлт, хуваарилалт ба зарцуулалтыг улс орны эрчимтэй хөгжил дэвшил, ард иргэдийн сайн сайхан амьдралыг хангах шийдвэрлэх хүчин зүйл болгоход чиглэсэн эрх зүйн орчныг бүрдүүлэхэд тулгуур ач холбогдолтой юм. Энэхүү хуулиас өмнө 2010 оны 6-р сард Төсвийн тогтвортой байдлын тухай хуулийг УИХ-аас батлан гаргасан бөгөөд ноднин Төсвийн тухай хуулийн төслийг боловсруулж УИХ-д өргөн барихаас өмнө болон өргөн барьснаас хойш янз бүрийн түвшинд тухайлбал, Ерөнхийлөгчийн дэргэдэх Иргэний танхимд болон орон нутагт бүсчилсэн байдлаар хэд хэдэн удаагийн хэлэлцүүлэг явагдаж төсөлд зарим өөрчлөлт орсон байна. Уг хуулийн төслийн одоогоор олон нийтэд танилцуулсан (УИХ-ын вэб хуудаснаас татаж авсан) хувилбарын зүйл, заалтуудын талаар Нээлттэй Нийгэм Форум, “Иргэд Төсвөө Хянана” иргэний нийгмийн сүлжээнээс дараах байр суурийг илэрхийлж байна.

Монгол Улсын Засгийн газрын 2010 оны 7-р сарын 20-ны өдрийн 195-р тогтоолын дагуу Монгол Улсын Хөгжлийн Банкийг байгуулан, улмаар тус оны 3-р улиралд багтаан зохих журмын дагуу үйл ажиллагааг нь эхлүүлэх болсон билээ. Хөгжлийн банк байгуулах шийдвэр ийнхүү гарсан ч өнөөгийн байдлаар олон нийт, татвар төлөгчдийн хувьд маш олон зүйл тодорхойгүй байна. Тус байгууллагын зорилго, үйл ажиллагааны чиглэл, санхүүжилтын эх үүсвэр, удирдлага, зохион байгуулалтын талаар иргэд, судалгааны байгууллагууд, иргэний нийгмийн дунд хэлэлцүүлэг явагдсангүй, тэдний санал бодлыг сонссон алхам хийгдсэнгүй гэж хэлэхэд болно.

ННФ-с гаргаж байгаа анхны дугаар Бодлогын асуудал цуврал сэтгүүлд сонгогчдын нэрийн жагсаалт үйлдэх, хянах үйл явц, сонгуулын хороодын томилгоо, үйл ажиллагааны ил тод байдал, саналын хуудас зарцуулах, хянахтай холбоотой хуулийн одоогийн зохицуулалтыг олон улсын стандарттай харьцуулсан үнэлгээ, хууль хэрэгжүүлэхэд тулгарч буй бэрхшээл, тэдгээрийг зөв зохистой шийдэх арга замыг талаарх тодорхой санал зөвлөмж, холбогдох олон улсын туршлагаас тусгасан болно.