Сонгон уу

Энэхүү ном нь Зах зээлийн нийгэмд баялгийг хэрхэн бий болгож, өөрийн санхүүг ухаалгаар удирдан зохицуулах талаар голч санаа өгөхөөс гадна хувь хүний бизнесийн өрсөлдөөнд оролцох боломж нөхцөл, зах зээлийн арилжаа солилцоо, хувийн өмчийн хамгаалалтыг бий болгоход төрийн бодлого, институцийг хэрхэн оновчтой тодорхойлох, үүссэн боломжийг хувь хүн өөрийн амьдралд яаж ашиглах тухайд ойлголт, мэдлэг олж авахад тус болохуйц ном юм.  

Уг номын зохиогчид нь Америкийн эдийн засагч, профессорууд бөгөөд жирийн иргэн бүрийн амьдралд чухал үүрэгтэй эдийн засгийн ойлголтуудыг маш энгийнээр, амьдралынхаа явцад төрөлх мэдрэмжээрээ ханддаг суурь ойлголт дээр нь тулгуурлан энгийнээр тайлбарлан бичжээ.  

Нобелийн шагналт Вернон Л.Смит "Энэхүү ном нь хүмүүс төрөлжсөн бизнес үйл ажиллагаа явуулах эрх чөлөөтэй байж, өөрт нь хамгийн сайнаар тусах ажил төрөл эрхэлсэнээр бусад хүнд санаандгүй сайн үйл хийх зэргээр зах зээлийн ашиг сонирхлын учир шалтгааны улмаас дэлхий дахинд хэн нэгнээр удирдуулахгүйгээр  баялаг хэрхэн бүтээдэг тухай анхны мэдэгдэхүүн олгож байна. Хүний сайн сайхныг дэмжихээс өөр ядуурлыг бууруулах арга зам байхгүй юм." хэмээн үнэлжээ.

Түүнчлэн энэ номыг уншсанаар Та эдийн засгийн хувьд өөрийн амьдралд тулгарч буй асуудлаа, тухайлбал, санхүүгээ яаж үр ашигтай зохицуулж, хэрхэн ашигтай хөрөнгө оруулалт хийх болоод өөрийн үр хүүхдэд хялбар аргаар эдийн засаг, санхүүгийн боловсрол хэрхэн эзэмшүүлэх вэ зэрэг асуултанд хариу өгч чадах түлхүүр элементүүдийн талаар олж мэдэж болно.