Нээлттэй Нийгэм Форумын Мэдээллийн төв 2003 онд байгуулагдсан бөгөөд 2004 онд Дэлхийн Банк, Азийн Хөгжлийн Банк, Нэгдсэн Үндэстний Байгууллагатай хамтран хөгжлийн бодлогын тухай өргөн мэдээллийг олон нийтэд нэг цэгээс шуурхай олж авах боломж бүрдүүлэхийг эрхэмлэн зорьж Хөгжлийн мэдээллийн төв болж өргөжсөн.

Тус төвийн мэдээллийн сан нь нийгэм, эдийн засгийн хөгжил, бодлогын асуудлаар хийгдсэн хамгийн сүүлийн үеийн судалгааны тайлан, үнэлгээ, бодлогын баримт материалууд мөн сүүлийн үед хэвлэгдэн дэлхий дахинд өргөнөөр худалдаалагдаж байгаа хөгжлийн холбогдолтой ном, Дэлхийн Банк, Азийн Хөгжлийн Банк, НҮБ-аас эрхлэн гаргасан ном товхимол, статистикийн мэдээллээр байнга шинэчлэгдэн баяжиж байдаг.

Манай мэдээллийн төв хэнд үйлчилдэг вэ? 

• Бодлогын хүрээний хүмүүс (Бодлого боловсруулагчид, УИХ-ын гишүүд, яам, тамгын газар, төрийн болон ТББ –ын ажилтнууд, бодлогын судлаачид)
• Олон нийт (Улс орны хөгжил, эдийн засаг, бодлогын талаар мэдээлэл олж авах сонирхолтой хүмүүс )
• Сэтгүүлчид, эрдэм шинжилгээний ажилтнууд  Хэвлэл мэдээллийн байгууллагын ажилтнууд, их дээд сургуулийн багш нар, магистрын диплом хамгаалж буй оюутнууд.

Баклаврын түвшинд суралцаж буй оюутнуудад үйлчлэхгүй

Төвөөс ямар үйлчилгээг авч болох вэ?

• Ном товхимол судалгааны материалыг танхимд ашиглах
• Ном товхимол судалгааны материалыг гэрээр авч унших
• Интернэтээс мэдээлэл хайх, судалгаа хийх
• Электрон мэдээлэл үзэх (CD, судалгааны тайлан, үнэлгээ зэргийг форумын портал сайтаас татаж үзэх)
• Хэвлэх, хувилах
• Электрон каталоги ашиглан мэдээллийн төвд байгаа ном, товхимолуудаас хайлт хийх
• Судалгааны ажлын тайлан, үр дүнгээ олон нийтэд танилцуулах уулзалт ярилцлага, хэлэлцүүлэг зохион байгуулахад дэмжлэг авах
• Хөгжлийн асуудал, бодлогын холбогдолтой судалгааны тайлан, үнэлгээг Форумын портал сайтаар дамжуулан  олон нийтэд хүргэх
• Гадаад сэтгүүл /Time, The Economist, Newsweek, Harvard Business review гэх мэт/

Жич: Тус төвд нийлүүлж байгаа материалууд нь зөвхөн мэдээлэл, мэдлэг түгээх зорилгоор ашиглагддаг ба тухайн бүтээлийн зохиогчийн эрхийг зохиогч болон хамааралтай байгууллагууд эзэмших эрхтэй.  

 Техник хэрэгсэл

Хөгжлийн Мэдээллийн төв нь уншигчиддаа дараах техник хэрэгслээр үйлчилнэ.

Тайлбар: Төвийн ном товхимол, судалгааны материалуудаас шаардлагатай бол нэг удаад 10 хүртэлх хуудсыг хувилах ба ажилтанд урьдчилан мэдэгдэж захиалга өгнө. Зохиогчийн эрхийн хуульд заасны дагуу ямар ч номыг бүрэн эхээр нь хувилахгүй.