Манай улсын эрдэс баялаг, гадаад худалдааны бодлогод нөлөөлөх геополитикийн нөхцөл байдал, олон улсын чиг хандлагад тулгуурлан бодлогоо оновчтой тодорхойлж, үр дүнтэй хэрэгжүүлэх шаардлага үүсээд байна. Үүний тулд уул уурхайн салбарын сүүлийн 30 гаруй жилийн туршлага, бодлого, хууль тогтоомжийн хэрэгжилтээс сургамж авч, нийгэмд үүссэн зөрчил, маргааныг харгалзан иргэд, иргэний нийгмийн бодит оролцоог хангах нь чухал юм. Энэхүү судалгаа нь чухал ашигт малтмалын бодлогыг дээрх зарчимд тулгуурлан тодорхойлоход чиглэнэ.

Судалгааны хүрээнд шүүхийн төсвийн үйл явцыг бүрэн мөчлөгөөр нь авч үзэхийн зэрэгцээ уг үйл явцад оролцогч талуудын үүрэг, хариуцлагыг шинжилсэн нь шүүхийн төсвийн тогтолцооны талаарх цогц зураглал гаргахад чухал ач холбогдолтой эх сурвалж боллоо.

Судалгаагаар АН-аас боловсруулсан хуулийн төсөл нь 2019 оны Үндсэн хуулийн нэмэлт, өөрчлөлтийн суурь үзэл баримтлал болон Монгол Улсын ардчилсан институцийн хөгжлийн чиг хандлагатай зөрчилдөж байна. Мөн Улс төрийн намын тухай хуулийн амин сүнс болсон санхүүгийн ил тод байдал, хяналт, намын дотоод засаглал дахь эрх мэдлийн тэнцвэрт байдал, мөнгөний нөлөөллийг хязгаарлах зэрэг засаглалын суурь механизмыг бүхэлд нь сулруулж, эрх зүйн зохицуулалтыг дордуулсан шинжтэй байна. Улмаар улс төрийн намуудыг олон нийтийн оролцооноос тусгаарлаж, чинээлэг бүлгүүдийн ашиг сонирхлыг хамгаалсан картель нам болон плутократ тогтолцоо руу шилжих эрсдэл өндөр байна.